• A-
  • A
  • A+
сабота, 21 април 2018, 

Трамп за изјавата за Африканците: Го реков тоа што многумина го мислат, а не смеат да го кажат

Трамп за изјавата за Африканците: Го реков тоа што многумина го мислат, а не смеат да го кажат

Вашингтон, 13 јануари 2018 (МИА) - Извор од Белата куќа тврди дека американскиот претседател Доналд Трамп во врска со неговата навредлива изјава за африканските и некои централноамерикански држави, оценил дека „едноставно го рекол тоа што многумина го мислат, а не смеат да го кажат на глас“.

Истиот извор изјавил дека ваквиот став Трамп го искажал на средба со најблиските соработници, на која се расправало за последиците од неговата изјава дека африканските земји, како и Хаити и Салвадор се „ср..е држави“ (Shithole countries).  

Според изворот, Трамп рекол дека не жали за тоа што го кажал и ги обвинил медиумите дека ги извртуваат неговите зборови.

Како што објави вчера „Вашингтон пост“, на состанок со конгресмени во Белата куќа, на кој бил претставен компромисот за младите имигранти (ДАКА), Трамп прашал „Зошто сите тие лица од ср..е држави доаѓаат овде? (Why are we having all these people from shithole countries come here?)“.

Според неименувани извори, Трамп алудирал на африканските држави, како и на Хаити и Салвадор, објаснувајќи дека САД би требало да примаат државјани од Норвешка со чија премиерка имаше состанок еден ден претходно.

Трамп вчера негираше дека изрекол навреди. - Речникот што го користев на состанокот за ДАКА беше остар, но не ги употребив тие зборови, напиша Трамп на Твитер.

Лидерите на неговата Републиканска партија се воздржаа од коментари на изјавата, со исклучок на претседателот на Претставничкиот дом, Пол Рајан, кој речникот на Трамп го оцени како „многу локален“. сп/19:00

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Лукаку ќе го претставува агенцијата на Џеј Зи

Фудбалерот на Манчестер Јунајтед, Ромелу Лукаку од...

Шведскиот ди-џеј Авичи пронајден мртов во Оман

Шведскиот ди-џеј Тим Берглинг, попознат по неговот...

Дејвид Коперфилд на суд мораше да открие трик

Познатиот илузионист Дејвид Коперфилд мораше да от...

Откриен идентитетот на „вриштечката мумија“ од Египет

Научниците со помош на современа технологија и мет...

Кејт Аптон во нова кампања за костими за капење

Кејт Аптон е ангажирана во новата рекламна кампања...