• A-
  • A
  • A+
среда, 25 април 2018, 

Рохани: САД не успеаја да го уништат иранскиот нуклеарен договор

Рохани: САД не успеаја да го уништат иранскиот нуклеарен договор

Техеран, 14 јануари 2018 (МИА) - САД не успеаја да го уништат нуклеарниот договор меѓу Техеран и шесте светски сили, што претставува „долгорочна победа за Иран“, изјави иранскиот претседател Хасан Рохани.

- Американските власти не успеаја да го уништат нуклеарниот договор. (Американскиот претседател Доналд) Трамп, и покрај големите напори, не успеа да ги уништи договорот, нагласи Рохни во обраќање преку иранската државна телевизија. 

Изјавата на Рохани уследи отако Транп во петокот се закани дека САД ќе се повлечат од договорот за иранската нуклеарна програма, склучен во 2015 година меѓу Иран и петте постојани членки на Советот за безбедност на ОН плус Германија, доколку европските земји „не ги отстранат катастрофалните пропусти“ во спогодбата.

 

Во реакција на заканата на Трамп, Кина ги повика сите земји потписнички на договорот да ги почитуваат обврските што произлегуваат од него.  

КИНА МНР портпарол

- Договорот, кој не беше постигнат лесно, треба да се почитува, изјави денеска портпаролот на кинеското Министерство за надворешни работи, Лу Кан, додавајќи дека сите потписници треба да го имаат предвид поширокиот контекст на работите и долгорочниот интерес.

Според Лу, договорот е ислучително важен за зачувување на мирот и стабилноста на регионот на Блискиот Исток, па затоа Кина јасно се противи на ендострани чекори.

На заканата на Трамп реагираше и францускиот претседател Емануел Макрон, кој порача дека е неопходно нуклеарниот договор да биде почитуван од сите негови потпсиници.

Со договорот, Иран се обврза дека својата нуклеарна програма ќе ја користи само за мирновременски цели и се согласи да дозволи меѓународни инспекции на неговите нуклеарни објекти, во замена за укинување на меѓународните санкции воведени кон земјата. сп/10:14

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.