Тетово, 14 јануари 2018 (МИА) - Непознати сторители ноќта меѓу петокот и саботата насилно влегле во соборниот храм „Св. Кирил и Методиј“ во Тетово, при што одзеле картонски кутии во кои имало пари.

Како што соопшти МВР, на 12 и 13 јануари во време од 16.00 до 07.00 часот во Тетово во соборниот храм „Св.Кирил и Методиј“ лоциран на ул.„Гоце Делчев“, непознати сторители скршиле дел од дрвената влезна врата од црквата, влегле внатре и со употреба на тврд погоден предмет отвориле две дрвени каси, од кои одзеле картонски кутии во кои имало пари.

Причинета е материјална штета од околу 12.000 денари, а СВР-Тетово презема мерки за целосно расчистување на настанот. нд/лв/11:39

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.