• A-
  • A
  • A+
среда, 19 септември 2018, 

Сугарески: Министерството за транспорт и врски изработи Национална транспортна стратегија за период 2018-2030 година

Сугарески: Министерството за транспорт и врски изработи Национална транспортна стратегија за период 2018-2030 година

Битола, 17 мај 2018 (МИА) - Министерот за транспорт и врски Горан Сугарески на втората Меѓународна Конференција на тема „Транспортот во денешното општество“ што се одржа на Техничкиот факултет во Битола најави дека во Република Македонија ќе се зголеми искористувањето на современите информациско комуникациски технологии што се употребуваат во транспортот.

Според Сугарески, за да нема техничко и технолошко заостанување зад развиените држави потребно е инвестирање во сообраќајното транспортно инженерство.

- Новата технологија што за првпат се употребува во Контролниот центар во Неготино од каде што се врши мониторинг на сообраќајот на новата автопатна делница Демир Капија-Смоквица, новиот електронски систем за наплата на патарините како и новиот проект на Министерството за транспорт и врски за изработка на интелигентен транспортен систем на Коридорот 10 значително ќе ги подобрат перформансите во безбедноста, заштитата на животната средина и искористување на инфраструктурата.

Транспортната индустрија, рече Сугарески, континуирано се соочува со нови предизвици како резултат на глобализацијата, либерализацијата на пазарите и дерегулацијата во транспортниот сектор и затоа потребно е следење на сите технолошки достигнувања заради нивна имплементација и искористување на предностите што ги нудат, посочи министерот Сугарески на меѓународната конференција во Битола.

Пред академскиот и стручен адиториум, министерот Сугарески потсети дека Министреството за транспорт и врски изработи Националната транспортна стратегија за период 2018-2030 година.

- Главните цели на стратегијате се да се осигура економската одржливост во развојот, управувањето и одржувањето на транспортните системи, да се подобри безбедноста во сообраќајот, да се развие мулитмодалниот транспорт, да се подобри одржливоста на животната средина и изградба на инфраструктура по европски стандарди како дел од единствениот транспортен систем во регионот и пошироко. Предлог стратегијата е веќе објавена на веб страната на Министерството за транспорт и врски и во текот на следниот месец очекуваме препораки и коментари од целокупната стручна јавност во државата, посочи Сугарески. мт/нд/14:43

###

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...

Мајкл Џордан донираше два милиона долари за Северна Каролина

Поранешната НБА ѕвезда Мајкл Џордан донираше два м...

Најбогатиот фудбалер во светот игра за резервите на Лестер

Фудбалот е шанса за огромно мнозинство на човештво...