• A-
  • A
  • A+
петок, 25 мај 2018, 

ЕЛЕМ ќе продава вишоци електрична енергија

ЕЛЕМ ќе продава вишоци електрична енергија

Скопје, 17 мај 2018 (МИА) - АД ЕЛЕМ објавува продажба на вишоци на електрична енергија за јуни годинава во вкупни количини од 24.480 мегават часови, од кои 14.400 се „базна”, а 10.080 „врвна” електрична енергија.

Продажбата, како што информираат од компанијата, ќе се одржи во вторник на 22 мај во просториите на Дирекцијата на АД ЕЛЕМ – Скопје, по пат на аукциско наддавање од страна на лиценцираните трговци и снабдувачи со електрична енергија, со кои ЕЛЕМ има склучено рамковни договори.

- Во понатамошниот период ќе следуваат нови објави за продажба на вишоци електрична енергија за јули, благодарение на добрата оперативна производствена кондиција во која се наоѓаат термоелектраните и хидроелектраните на АД ЕЛЕМ, како и поради добрата оптимизација на производството која е направена во изминатиот период и која овозможува дополнително производство на електрична енергија, велат од ЕЛЕМ.

Последната продажба во АД ЕЛЕМ се одржа на 3 мај годинава кога на беа продадени вишоци електрична енергија за 3.874.598 евра. вј/скс/15:23

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ