• A-
  • A
  • A+
петок, 21 септември 2018, 

Изложба на Тања Таневска во Њујорк

Изложба на Тања Таневска во Њујорк

Скопје, 14 јуни 2018 (МИА) - Академската сликарка Тања Таневска од денеска ќе има изложба во „Gallery MC“ во Њујорк. Таа се претставува со 61 дело акрил на картон асоцијативни жичани инструменти изработени во последните четири години.
 
Тања Таневска (1971) е визуелен уметник. По образование е сликар, но нејзиниот препознатлив исказ и исклучителна дарба е за визуелна нарација за истражување преку различни медиуми: слика, скулптура, цртеж, графика, фотографија, уметничка инсталација.
 
Нејзините дела се изложувани на жирирани национални и меѓународни изложби во светот  (21 самостојни изложби и над 230 групни изложби, меѓународни симпозиуми и колонии, студиски престој, учество на  хуманитарни  манифестации...) 
 
Добитник е на меѓународно признание и национални награди, а дел од нејзиното творештво збогатува значајни колекции во земјата и странство. Живее и работи во Скопје, како наставник во средното уметничко  училиште „Лазар Личеноски“. мд/дма/08:56

###

 
 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ