• A-
  • A
  • A+
понеделник, 25 јуни 2018, 

Двете Кореи се согласија за целосна обнова на воените комуникациски линии

Двете Кореи се согласија за целосна обнова на воените комуникациски линии

Сеул, 14 јуни 2018 (МИА) - Северна и Јужна Кореја денеска се согласија целосно да ги обноват воените комуникациски линии, после повеќе од 10 години, се наведува во заедничко соопштени на двете земји.

На денешните преговори меѓу воени делегации на високо ниво, двете држави разменија и мислења за „пробно" демилитаризирање на пограничното село Панмунџон и се договорија за целосна имплементација на билатералниот договор од 2004 година за спречување на судири во Западно Море, како што во Кореја се нарекува Жолтото Море.

Преговорите се одржаа во Тонгилгак, севернокорејска зграда во Панмунџон, имплементирајќи делови од декларацијата од Самитот на 27 април, која повикува на заеднички напори за намалување на воените тензии и „во пракса елиминирање на опасноста од војна".

Петчлената јужнокорејска делегација беше предводена од генерал. Ким До-гюн, а северната од генерал полковник Ан Ик-сан. Двете страни разговараа и за запирање на сите непријателски акции една против друга, трансформирање на Северната рестриктивни линија (Northern Limit Line), фактичка морска граница, во море на мирот и слично.

Обновата на комуникациските линии се смета за клучна мерка за зајакнување на довербата. ссм/18:03

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ