• A-
  • A
  • A+
среда, 19 септември 2018, 

Ручи повика ба единство на косовските политички сили

Ручи повика ба единство на косовските политички сили

Тирана, 12 септември 2018 (МИА) - Претседателот на албанскиот Парламент, Грамоз Ручи упати апел до косовските политички сили да бидат единствени во однос на дијалогот и договорот со Србија.

По денешната средба во Тирана  со својот косовски колега Кадри Весели, Ручи на заедничката прес-конференција изјави дека дијалот е механизам за да се најде решение, кое ќе гарантира взаемно признавање на Косово и Србија.

- Мојата порака до политичките актери и фактори е дека сите политички сили мора да бидат единствени и да имаат единствен став и делување, бидејќи има многу прашања по кои не се согласуваат, но тука се работи за суверенитет, држава, зајакнување на државата и на мирот не само во Косово, туку и во целиот регион, рече Ручи.

Тој додаде дека ги охрабрува сите страни вклучени во изнаоѓањето решение тоа да биде прифатливо, долгорочно и во интерес на Косово и целиот регион.

Неговиот косовски колега Весели изјави дека во финалниот дијалог меѓу Косово и Србија власта и опозицијата треба да бидат едиствени, посочувајќи дека „не е време за его и за власт, туку е време за единство“.

- Косово чекори со одлучност во финалето на дијалогот за да добие место во ОН. Горди сме што имаме партнери како САД и сме заедно со западните земји. Никој не може да им наштети на суверентитетот и иднината на Косово, ниту (српскиот претседател Александар) Вучиќ со неговото доаѓање, ни каква било изјава. Она што навистина му наштетува на Косово е недостигот на единство, рече Весели. вт/сп/13:45

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...

Мајкл Џордан донираше два милиона долари за Северна Каролина

Поранешната НБА ѕвезда Мајкл Џордан донираше два м...

Најбогатиот фудбалер во светот игра за резервите на Лестер

Фудбалот е шанса за огромно мнозинство на човештво...