• A-
  • A
  • A+
среда, 17 октомври 2018, 

Робертсон: Одлуката е во македонскиот народ – сега или никогаш

Робертсон: Одлуката е во македонскиот народ – сега или никогаш

Битола, 19 септември 2018 (МИА) - Би било погрешно да ви кажам како да гласате, но гласањето во овој момент е најголем императив и во таа смисла ќе посочам на една изрека која гласи „ако не гласаш, тогаш немаш право на мислење“, рече поранешниот генерален секретар на НАТО, Џорџ Робертсон на вечерашната трибина со битолчани.

Лорд Робертсон порача дека одлуката е во рацете на македонскиот народ, и таа треба да се искористи, сега или никогаш.

- Важно е секој да гласа, да ги убедите сите. Вашите соседи да излезат и да гласаат на 30 септември. Кога бев генерален секретар на НАТО јас бев принуден вашата држава да ја нарекувам ФИРОМ, но тоа беше погрешно. Тоа засекогаш може да се промени на 30 септември. Договорот со Грција го гарантира идентитетот, културата, јазикот и ја отвора вратата кон Европа. Одлуката е во ваши раце, сега или никогаш, рече Робертсон.

Поранешниот генерален секретар на НАТО и лидер на неформалната „Група Охрид“ за поддршка на Република Македонија за членство во ЕУ и НАТО нагласи дека говорот на македонски јазик на премиерот Заев во Европскиот Парламент ќе се повтори и по 30 септември.

- Што е понудено како алтернатива на Договорот? Ништо! Со Договорот се гарантира членството на Македонија во ЕУ и НАТО. За младите е подобро Европа да дојде тука, отколку младите да одат низ Европа. Државите кои се дел од ЕУ и НАТО се напредни и развиени, и затоа сите сте пред историски чекор кој мора да го направите. Оваа шанса на Македонија е шанса за новите генерации. Го слушав македонскиот премиер Зоран Заев како на македонски јазик зборуваше во Европскиот Парламент. Тоа беше историски момент, но после 30 септември тој момент ќе се повтори и ќе се повторува, рече Робертсон.

Порака до младите битолчани упати и македонскиот координатор за НАТО, Стево Пендаровски.

робертсон битола

- Младите во Македонија се за европска Македонија и тие веќе го формираа својот став бидејќи не сакаат Македонија да биде енклава и повлечена од глобалниот свет. Младите треба, и ќе бидат генераторот на позитивните промени во Република Македонија. Младите се најкосмополитската генерација, која кога било живеела во оваа држава, младите секогаш биле генератор на позитивни промени насекаде во светот и така ќе биде овој пат, посочи Пендаровски.

Повик за масовно учество и гласање на претстојниот референдум упати и градоначалничката на Битола, Наташа Петровска.

- Оваа учебна година имаме 200 првачиња помалку од минатата година, а бројката се намалува. Зошто? Затоа што младите родители ја напуштаат државата. Ова мора да престане. А, дали и понатаму ќе заминуваат од државата ќе зависи од нашата мудрост на 30 септември. Сега е шансата. Кога веќе ја имаме пријателската рака од целиот свет, тогаш да ја прифатиме пријателски подадената рака и да бидеме дел од европското семејство, истакна Петровска. мт/вг/20:03

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Ричард Маден од „Игра на тронови“ може да биде новиот Џејмс Бонд

Британскиот актер Ричард Маден во иднина може да г...

Мел Би „брутално искрена“ за сексот, дрогата, депресијата

Поранешната „Спајс девојка“ Мел Би ја објави автоб...

Никол Кидман се разобличи до непрепознатливост заради улога

Холивудската ѕвезда Никол Кидман се промени до неп...

Пронаjден викиншки брод во Норвешка

Археолозите веруваат дека пронашле остатоци од сре...

Почина Пол Ален, соосновачот на Мајкрософт

Соосновачот на Мајкрософт, Пол Ален почина вчера н...