• A-
  • A
  • A+
среда, 19 септември 2018, 

Тевдовски: Не се работи на ребаланс на Буџетот, реализацијата на приходите одлична

Тевдовски: Не се работи на ребаланс на Буџетот, реализацијата на приходите одлична

Скопје, 20 јуни 2018 (МИА) – Министерот за финансии Драган Тевдовски денеска изјави дека во моментов не се работи на ребаланс на Буџетот зашто реализацијата на приходите е одлична и тие се собираат согласно проектираното.

Сепак, како што нагласи, одговорајќи на новинарско прашање, се прават анализи за тоа што треба да се стори во наредниот период.

- Апсолутно немаме проблем со приходната страна. Буџетот ги собира приходите како што сме ги проектирале, што е одлично. Можеме во целост да ги реализираме буџетските обврски, потенцира Тевдовски по потпишувањето на Договорот меѓу Охридска банка и ЕБРД за нова кредитна линија за малите и средни претпријатија.

Министерот рече дека како никогаш порано, јавноста може секој месец да го гледа остварувањето на Буџетот, и на приходната и на расходната страна.

- Сите економски параметри се позитивни, извозот е одличен и странските инвестиции во првиот квартал исто така. Единствено имаме проблем со реализацијата на капиталните инвестиции, главно во нискоградбата што е веќе познато. Првиот податок од Статистика за вториот квартал годинава покажува дека градежништвото во април има сериозен раст, истакна министерот.

Во врска со инвестициите на домашните компании, Тевдовски посочи дека токму кредитната линија потпишана денеска е сериозна алатка и поддршка во овој правец.

– Со нормализација на финансиската состојба, здравите фискални политики што ги водиме и позитивните движења на економијата, инвеститорите ќе влегуваат во инвестиции, во отворање работни места и ќе ја движат економијата напред, подвлече министерот Тевдовски. мч/са/14:07

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...