Охридска банка објави конкурс за поддршка на млади инструменталисти

Охридска банка објави конкурс за поддршка на млади инструменталисти

Скопје, 17 јули 2018 (МИА) - Охридска банка Сосиете Женерал го отвара првиот конкурс во рамките на ОБСГ Клубот на таленти, “Имаш ли жичка за музика”, наменет за млади инструменталисти.

Во рамки на годишната стратегија за општествена одговорност, Охридска банка Сосиете Женерал веќе ја најави својата платформа за општествена одговорност наречена, ОБСГ Клуб на таленти, која ќе има за цел да пронаоѓа млади, амбициозни и талентирани лица во различни области и истите финансиски да ги поддржува, „Имаш ли жичка за музика?“ е првиот конкурс од оваа платформа кој во наредните месеци ќе биде во потрага по млади и талентирани инструменталисти.

На Конкурсот „Имаш ли жичка за музика?“ кој ќе биде отворен до 30 септември 2018 година, можат да аплицираат сите заинтересирани млади инструменталисти на возраст од 14 до 18 години, односно родени во периодот 2000 ‒ 2004 година. Инструменти што се земаат предвид на Конкурсот се: клавир, хармоника, виолина, виолончело, виола, гитара, контрабас, хорна, харфа, обоа, кларинет, флејта, труба, фагот, саксофон,тромбон.

Аплицирањето се врши онлајн, на веб страницата www.obsgklubnatalenti.mk во делот Аплицирање, каде треба да се пополнат неколку прашања и да се испрати линк од настап на апликантот.скс/сд/14:20

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ