МФ: Обезбедените пари за референдумот нема да влијаат врз буџетските програми и проекти

МФ: Обезбедените пари за референдумот нема да влијаат врз буџетските програми и проекти

Скопје, 30 јули 2018 (МИА) - Се кратат помали суми од повеќе поголеми буџетски корисници, а се алоцираат 210,4 милиони денари за спроведување на претстојниот референдум, со одлуката за прераспределба помеѓу буџетските корисници на централната власт и помеѓу фондовите која Собранието ја изгласа попладнево.  

Откако беше изгласана одлуката, со соопштение се огласи Министерството за финансии во кое наведува дека се обезбедуваат средства, без да има влијание врз тековното работење на буџетските корисници ниту, пак, врз спроведување на буџетските програми и проекти.

Одлуката за прераспределба на средствата беше донесена без расправа, со 64 гласа „за“ и ниту еден „против“ и „воздржан“, а на неа и претходеа седници на Комисијата за финансирање и буџет и Законодавно-правната комисија.

Претходно Собранието, со 68 гласови „за“, без „против“ и „воздржан“ и во отсуство на опозицијата, донесе одлука на 30 септември 2018 да се одржи референдум за името кој ќе биде консултативен. 

Референдумското прашање ќе гласи: „Дали сте за членство во ЕУ и НАТО со прифаќање на Договорот помеѓу Република Македонија и Република Грција?“.лв/хс/18:40

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ