Едногодишни грантови за осум организации од УСАИД

Едногодишни грантови за осум организации од УСАИД

Скопје, 7 септември 2018 (МИА) -  Осум организации денеска ќе добијат едногодишни грантови преку Проектот на УСАИД за развој на деловниот екосистем за деловна поддршка.

Целта на грантовите е подобрување на постојни и развивање нови деловни услуги за микро, мали и средни претпријатија (ММСП) во Македонија.

Грантовите ќе им бидат доделени на Комората на занаетчии – Скопје, Здружението за рурален развој ЛАГ Агролидер, МАКАМ-ТРАНС, Македонската асоцијација на метална и електроиндустрија (МАМЕИ), Сојузот на стопанските комори, Македонското здружение за лифтови, Стопанската комора на североисточна Македонија и Солар Македонија. 

Дел од услугите за поддршка на ММСП кои ќе се развиваат преку грантовите се обука и развој на работна сила во повеќе сектори, помош во пристапување до финансии, поддршка за поврзување со странски пазари, експерти за оптимизација на производството, како и многу други.

Започнат во 2017 година, Проектот на УСАИД за развој на деловниот екосистем работи на зголемување на продуктивноста на микро, малите и средните претпријатија (ММСП).  Работи со деловни здруженија, стопански комори, финансиски институции, тренинг-центри и компании што работат на развивање на нивните синџири на доставување, како и други организации што нудат услуги за деловна поддршка на ММСП. Проектот исто така работи со финансиски институции на зголемување на финансирањето достапно за ММСП.скс/са/07:46

###

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Тинејџерка преживеала 49 дена на отворено море пиејќи цедена морска вода

Индонезиска тинејџерка минала 49 дена на отворено ...

Олег Сенцов стана почесен граѓанин на Париз

Украинскиот филмски режисер осуден на 20 години за...

Британски математичар тврди дека пронашол решение за проблем стар 160 години

Еден од најистакнатите британски математичари, Мај...

Познатиот професионален убиец на ТВ-екраните стана модна икона

Ѕвездата од новата ТВ-серија „Убиствената Ив“, ист...

Премиерката на Нов Зеланд и нејзиното бебе - хит во ОН

Премиерката на Нов Зеланд, Џасинда Ардерн, која ов...