• A-
  • A
  • A+
петок, 21 септември 2018, 

Анѓушев: Во „Осломеј“ најверојатно ќе се гради котел на висококалоричен јаглен

Анѓушев: Во „Осломеј“ најверојатно ќе се гради котел на висококалоричен јаглен

Скопје, 26 јули 2018 (МИА) - Во Термоелектраната „Осломеј“ најверојатно ќе се гради котел на висококалоричен јаглен што ќе се увезува, рече вицепремиерот задолжен за економски прашања Кочо Анѓушев одговарајќи на пратеничко прашање, и додаде дека при изградбата ќе бидат имплементирани сите стандарди од аспект на екологијата.

- Во меѓувреме „Осломеј“ за да го намали притисокот на цената на електрична енергија во ЕЛЕМ , односно да ги намали загубите од 12 до 16 милиони евра на годишно ниво, ќе работи одреден период во годината кога ќе има најголема потреба за електрична енергија и притоа ќе се внимава на сите еколошки стандарди, односно електростатските филтри кои се инсталирани да бидат во функција, рече Анѓушев.

Станува збор, како што појасни, за краткорочно работење во наредниот период, а долгорочната стратегија мора да биде со градење нов котел со сите еколошки стандарди.

Анѓушев посочи дека според сите анализи што се направени од Работната група, како и според мислењата на домашните и странските експерти состојбата  да се направи реконструкција на постојниот котел нема да даде надеж на работата и затоа најверојатно ќе се изгради нов котел што ќе ги задоволува највисоките стандарди.

- Во регионот на Кичево повеќе нема доволно јаглен за експлоатација, односно местата каде што има јаглен за експлоатација се појавива под куќи и имоти коишто не можат да бидат уништени за да може да продолжи да работи копот, рече Анѓушев.

Населението во Кичево и Кичевско, како што додаде, треба да биде мирно, бидејќи нема да биде нарушена нивната приватност на имотот,  а од друга страна нема да биде нарушена животната средина во однос  на загадувањето.

Термоелектраната „Осломеј“, како што истакна Анѓушев, во претходните години не работеше воопшто, а оваа година работеше многу малку трудејќи се да ја намали загубата која ја прати. дма/са/14:09

###

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ