• A-
  • A
  • A+
среда, 19 септември 2018, 

Сообраќајот по влажни коловози, намалена видливост на патот Маврово – Маврови Анови

Сообраќајот по влажни коловози, намалена видливост на патот Маврово – Маврови Анови

Скопје, 7 февруари 2018 (МИА) - Сообраќајот на државните патишта се одвива тековно по влажни коловози во северните, западните, југозападните и јужните делови од државата. Во североисточните и источните делови коловозите се местимично влажни, информира ЈП Македонија пат.

Врнежи од снег се бележат на Попова Шапка каде наместа има остатоци од кашест снег на коловозот по интервенција на дежурни екипи на ЈП Македонија пат. Во Маврово врнежите се од дожд и снег.

Намалена видливост поради појава на магла од 10 – 15 метри има на патниот правец крак Маврово – Маврови Анови. На одредени патни правци кои поминуваат низ клисури и усеци можна е појава на поситни одрони.

ЈП Македонија пат апелира на внимателно возење и прилагодување на брзината кон условите на патот. Посочуваат дека нивни дежурни екипи се постојано на терен и ги одржуваат сите патни правци проодни. рп/18:05

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ