ЈСП-Турс со еднодневни излетнички тури до манастирите низ Македонија

ЈСП-Турс со еднодневни излетнички тури до манастирите низ Македонија

Скопје, 11 јуни 2018 (МИА) - ЈСП-Турс денеска соопшти дека започна со реализација на проектот „Лето во Македонија“ за развој и афирмирање на манастирскиот туризам.

Секоја недела, до крајот на летово, ЈСП-Турс ќе организира 12 еднодневни излетнички тури до поголемите манастири низ Македонија.

Турите ќе се реализираат со водич, со високотуристички автобус.

Од ЈСП-Турс посочуваат дека покрај превоз, постои и можност за ноќевање во манастирските конаци.

Цената на билетите за еднодневните тури е различна, а може да се купи и блок билет за сите 12 излети кој изнесува 3.000 денари. Со овој билет се добива и џебен водич за манастирите со сите побитни информации за манастирскиот локалитет.

Заинтересираните за пријавување и подетални информации можат да се јават на 3060-350 или 3091-522.аа/са/14:50

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ