• A-
  • A
  • A+
петок, 21 септември 2018, 

И покрај забраната, педалинки на струшкото крајбрежје

И покрај забраната, педалинки на струшкото крајбрежје

Струга, 14 јули 2018 (МИА) – Покрај одлуката на Советот на Општина Струга за забрана на педалинки во водите на Охридското Езеро, на струшкото крајбрежје повторно може да се видат овие пловни објекти.

Градоначалникот Рамиз Мерко за МИА вели дека инспекторите се на терен и секоја педалинка што ќе биде затекната на крајбрежјето ќе биде одземена, а ќе следува и парична казна.

- Инспекторите се на терен. Некои викаат дека не можеме да ги чепкаме во вода, бидејќи тоа е надлежност на Капетанијата, ако излезат на копно, тогаш е работа на Општина Струга. Ние ќе чекаме кога ќе излезат да земаат луѓе, да ги преземеме сите мерки предвидени со закон, изјави Мерко.

педалинки

Проблем, според него, претставува тоа што не се регистрирани овие пловни објекти и не се знае сопственикот.

- Се трудиме да се почитува одлуката на Советот. Оние што си земаат за право да не ја почитуваат, ќе бидат казнети. Досега сме задоволни и што е најважно годинава немаме жртви во водите на Охридското Езеро, истакна струшкиот градоналаник.

Одлуката за забрана на педалинките на струшкото крајбрежје ја донесе Советот пред почетокот на туристичката сезона, поради, како што рекоа, несреќите што се случувале од овие пловни објекти кои завршувале со жртви. Сопствениците на педалинки пак со негодување ја прифатија одлуката и најавија дека правдата ќе ја бараат од повисоките органи. сс/бак/13:43

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ