• A-
  • A
  • A+
четврток, 20 септември 2018, 

Макрадули: Поефективно да работиме во иднина и да ја заштитиме природата

Макрадули: Поефективно да работиме во иднина и да ја заштитиме природата

Скопје, 29 мај 2018 (МИА) - Согласно европските политики да ја зголемиме регионалната соработка од аспект на заштитените подрачја, заштитата на биодиверзитетот со едно транспонирање со националните стратегии во регионални стратегии, со едно скалирање на нашите потреби и приоритети во еден регионален пристап, бидејќи природата нема граници, не можеме да поставиме стаклени ѕидови меѓу државите и ги делиме заеднички проблемите во врска со заштитата на животната средина.

Ова денеска го истакна заменик-министерот за животна средина и просторно планирање Јани Макрадули на вториот состанок на работната група за биолошка разновидност во рамки на претседавањето на Министерството за животна средина и просторно планирање на Република Македонија, што се одржа денеска во Скопје.

Посочи дека животната средина е поставена како еден од четирите столбови на одржливиот развој во Стратегијата 2020 и како дел од неа постои работна група за биодиверзитет и целта е не само транспонирање на политиките, туку практично скалирање, мапирање на националните стратегии во заеднички стратегии во регионот.

- Идејата е дека постојат повеќе донатори, спонзори, кои за жал во некои земји, како и во Македонија работат иста работа. Идејата е сето тоа да го ставиме под заеднички чадор и поефикасно и поефективно да работиме во иднина и да ја заштитиме природата. Македонија во следните шест месеци ќе биде копретседавач на оваа работна група и ќе ги води активностите, додаде Макрадули.

Членки на работна група која е дел од пошироката Регионална работна група за животна средина се претставници на надлежните министерства од Албанија, Македонија, Босна и Херцеговина, Црна Гора, Косово и Србија.

На состанокот присуствуваа и високи претставници на Регионалниот совет за соработка, Меѓународната унија за заштита на природата и ГИЗ Oтворен регионален фонд за биодиверзитет за Југоисточна Европа. рп/сд/10:48

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...