• A-
  • A
  • A+
вторник, 18 септември 2018, 

Филипче: Се евалуираат можностите за зголемување на капитацискиот бод на матичните лекари

Филипче: Се евалуираат можностите за зголемување на капитацискиот бод на матичните лекари

Скопје, 5 септември 2018 (МИА) - Повеќе месеци сме во преговори со Здружението на матични лекари и се евалуираат можностите како од идната година да им се излезе во пресрет и да се зголеми нивниот капитациски бод, истакна денеска министерот за здравство Венко Филипче.

Тој рече дека во разговорите се вклучени и претставници на Фондот за здравствено осигурување и сакаат да одговорат на барањата не само за зголемување на нивните примања, туку и за некои други работи кои ги бараат, а се однесуваат на промена на системот во кој функционираат. Според него, кога ќе го најдат начин ќе се подобри функционирањето на тоа ниво на здравствена заштита. 

- Некои промени веќе направени за матичните гинеколози, но истовремено работиме и на утврдуваање на начинот на кој ќе ги имплементираме системските промени, а тоа е како ќе се олесни трансферот на пациентите од една ординација во друга, од еден на друг доктор, но и нешто што е многу битно и ќе го зајакне овој сегмент од здравствената заштита, а тоа е како приватните матични лекари ќе ги вклучиме во јавниот здравствен систем посебно во руралните средини каде недостигаат доктори во здравствените домови, посочи Филипче, одговарајќи на новинарско прашање по потпишувањето на Спогодбата за повисоки плати во здравството. 

Додаде дека разговараат за моделите и до крајот на годината ќе има целокупен пакет кој ќе го имплементираат во системот. рп/сд/13:13

###

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ