• A-
  • A
  • A+
четврток, 20 септември 2018, 

Околу 180.000 евра штета од косовската одлука за зголемените царини

Околу 180.000 евра штета од косовската одлука за зголемените царини

Скопје, 7 август 2018 (МИА) - На околу 180.000 евра или 2.000 тони нереализиран извоз, се проценува штетата од косовската одлука со која царините за овошјето и зеленчукот беа зголемени за 30 отсто, рече денеска шефот на кабинетот во Министерството за земјоделство Трајан Димковски. 

Одговарајќи на новинарски прашања, Димковски нагласи дека штетите се пресметани врз основа на извозот реализиран лани од 18 до 31 јули, период во кој годинава важеше одлуката на Владата на Косово. 

- Косово ја воведе одлуката со која ги зголеми царините на 18 јули годинава, по што донесе делумно укинување, а потоа одлуката беше и целосно повлечена. Лани во овој период, од 18 до 31 јули Македонија на Косово извезла околу 2.000 тони земјоделски производи во вредност од 180.000 евра, истакна Димковски. мч/са/11:29

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ