МЗШВ: Годинава се очекуваат повисоки цени и откуп на целото грозје

МЗШВ: Годинава се очекуваат повисоки цени и откуп на целото грозје

Скопје, 20 август 2018 (МИА) - Повисоки цени и откуп на целото грозје се очекува годинава поради зголемената глобална побарувачка, но и поради тоа што винарските визби немаат залихи, беше речено на денешниот состанок во Министерството за земјоделство, шумарство и водостопанство (МЗШВ).

На редовниот состанок што го одржа  министерот  Љупчо Николовски  со винарските визби и лозарите, беа презентирани откупните цени и моменталната состојба со бербата на дел од винските сорти.

- На состанокот лозарите побараа годинава грозјето да се откупува по повисока цена. Претставниците на винарските визби посочија дека немаат залихи и се очекуваат повисоки откупни цени за грозјето поради зголемената глобална побарувачка, како и да се откупи целиот род, наведува МЗШВ.

Годинава се очекува вкупното производство на грозје да биде околу 250 илјади тони.

Министерот Николовски посочи дека Владата е силно фокусирана на развој на оваа извозно ориентирана гранка и дека ваквите редовни средби ќе продолжат за да се создаде цврст партнерски однос меѓу лозарите и винарските визби во интерес на оваа гранка.

Откупеното грозје од ланската реколта винарските визби целосно го исплатија со вкупно 755 милиони денари. Просечната откупна цена на винското грозје во 2017 година е 13,67 денари за килограм, што претставува зголемување од 11,5 отсто во споредба со 2016 година кога била 12,27 денари за килограм.

- Ова е највисоката просечна откупна цена во последните шест години. Според проценките на МЗШВ и на винарските визби оваа година се очекува да биде поволна од аспект на извозот и вредност на извозот, ако се има предвид дека заклучно со април годинава вкупниот извоз на вино од Македонија бележи пораст од осум отсто по количина и 11 отсто по вредност, додека просечната цена по единица мерка бележи пораст од три отсто, споредено со истиот временски преиод во 2016 година, стои во соопштението од МЗШВ.

Во годинашната Програма за финансиска поддршка за 20 отсто се  повисоки субвенциите за одржување лозови насади за оние кои имаат од еден до 10 хектари, односно за лозарите со развоен потенцијал, или  наместо 44.000 ќе добијат 48.000 денари по хектар. Исто така се воведе нова дополнителна субвенција од 12.000 денари по хектар за реконструкција на лозови насади, за промена на сортимент, што е важно за следење на светските трендови и за зголемување на конкурентноста.

- Субвенциите за лозарството за 2017 година со која за 10 отсто беше зголемена основната субвенција, се во целост исплатени навреме пред почетокот на новата производствена сезона. Односно за одржување на лозови насади се исплатени над 745 милиони денари и за дополнителните субвенции од два денара за предадено грозје или над 134 милиони денари, наведува МЗШВ. мч/скс/16:28

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Дени де Вито на фестивал во Шпанија добитник на наградата за животно дело на

Американскиот актер Дени де Вито е добитник на наг...

Порномодел ги продава старите силикони за да си купи нови

Британскиот порно модел Тејлор Роуз ги постави сво...

Ел Макферсон во врска со разведен татко на четири деца

Светски познатиот модел Ел Макферсон која неодамна...

Емилија Кларк на невообичаен начин се опрости од серијата „Игра на тронови“

Британската актерка Емилија Кларк на невообичаен н...