• A-
  • A
  • A+
среда, 19 септември 2018, 

Заев: Зајакнати инспекции за да нема манипулации при откупот на грозјето

Заев: Зајакнати инспекции за да нема манипулации при откупот на грозјето

Кавадарци, 24 август 2018 (МИА) - Зајакнати инспекциски контроли за да не се манипулира со лозарите при откупот на грозје за килограмите и шеќерноста, најави премиерот Зоран Заев вечерва на средба со лозарите.

Лозарите се незадоволни бидејќи наместо 15 и 17 денари како што бараат, винарите понудиле 11 и 13 денари за килограм грозје.

Според Заев, фер е винарниците да прифатат повисоки цени затоа што немаат залихи на вино.

- Продолжуваме со активностите, ќе видиме какви се цените во соседството. Ќе разговараме со винарските визби да прифатат минимални цени од 13 и 15 денари за килограм смедеревка и вранец, наместо нивните 11 и 13 денари. Ќе преговараме користејќи ги вашите аргументи. Ќе направиме се што можеме и во најскоро време ќе информираме за резултатите. Цената на грозјето мора да биде достоинствена, рече Заев.

Лозарите се согласија со заклучоците, откако претходно побараа засилени контроли од страна на инспекторите. Коментираа дека од евтино грозје се прави скап пијалак. Годината, рекоа, била тешка бидејќи поради дождовите третирале повеќе со пестициди, кои пак биле најскапи во споредба со други држави.

- Проблемот е хроничен, а со тоа што цените не се дефинирани на време, губат и лозарите и винарите, рече лозарот Диме Соколов.

Премиерот нагласи дека се добредојдени  откупувачи од страна, за да се постигнат што е можно повисоки цени, но оти на крај сепак пазарот е регулатор на состојбите, а извозот е слободен.

Вицепремиерот за економски прашања Кочо Анѓушев рече дека со премиерот и градоначалниците на Неготино и Кавадарци ја знаат маката на земјоделците, бидејќи и самите некогаш работеле земјоделство. Вети засилена инспекција при откупот. Винарниците, како што рече, не смеат да се договараат околу цените, а државата може само да разговара со економските субјекти и да нуди поволности, но не и да врши притисок. Бариери за извоз на грозје не постојат.

Според градоначалникот на Неготино Тони Делков, во иднина е потребна методологија за пресметка на цените за грозјето.свд/лв/21:18

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...