Заврши втората фаза од уредувањето на речното корито на Липковка

Заврши втората фаза од уредувањето на речното корито на Липковка

Куманово, 5 септември 2018 (МИА) - Заврши втората фаза од проектот за уредување на речното корито на Липковка, којшто се реализира преку УНДП со финансиска поддршка од Јапонската амбасада и општина Куманово која учествува со 20 проценти од вкупниот износ.

Градоначалникот Максим Димитриевски денеска изјави дека средствата од општината за овој проект се целосно исплатени. 

- Наскоро ќе започне и првата фаза од проектот, која во меѓувреме беше прекината од мостот од населбата Средорек до локалитетот „Водовод“. Општината ќе побара донатори, кофинансиери за третата фаза и порачавме изработка на проектна документација за проширување на постоечкиот мост кај Средорек, изјави Димитриевски.

Најави дека во иднина во стариот градски парк ќе биде изградена пешачка зона и оти паралелно со почетокот на реализација на првата фаза од уредувањето на речното корито на Липковка ќе почне постапката за чистење на речното корито на Кумановка за која општината одвои два милиони денари.

Апелираше до граѓаните да не фрлаат смет во речното корито и најави засилени инспекциските контроли и заедничка акција со МВР. Досега, како што информираше, санкционирани се десетина правни и физички лица.

- Општинските служби не можат да вршат физички 24 мониторинг на овие локации. Депонијата пред населбата „Перо Чичо“ се чистеше петпати за десет месеци и повторно има индивидуалци, дури и организирани групи, кои фрлаат отпад, посочи Димитриевски.

Следната година се планира да бидат зајакнати и капацитетите на јавното претпријатие „Чистота и зеленило“ и да се обезбедат повеќе средства за ангажирање на агенции за обезбедување кои ќе патролираат на критичните локации. ам/бак/15:07

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...