• A-
  • A
  • A+
сабота, 22 септември 2018, 

Гевгелискиот совет даде негативно мислење за уште едно двегодишно истражување на Кожуф

Гевгелискиот совет даде негативно мислење за уште едно двегодишно истражување на Кожуф

Гевгелија, 9 март 2018 (МИА) - Советот на општина Гевгелија на денешната вонредна седница со 19 гласа „против“ даде негативно мислење за барањето поднесено од „Reservoir Minerals“ да продолжат деталните геолошки истражувања кај Коњско на планината Кожуф во следните две години.

Пред да ја донесат одлуката, пред советниците се обрати управителката на концесионерот Даниела Бомбол која истакна дека компанијата ќе ги запази сите законски одредби и светски стандарди за заштита на животната средина доколку продолжат истражувањата или пак се отвори рудник.

Откако во расправата советниците оценија дека концесионерот немал суштински пречки во периодот од 2013 до 2017 година да ги заврши истражувањата, донесоа одлука за едностран раскин на договорот за концесија.

Од Советот на општина Гевгелија се надеваат дека Министерството за економија и Владата ќе го почитуваат ставот на советниците за давање негативно мислење на барањето, имајќи ги предвид и резултатите од референдумот на кој граѓаните на општина Гевгелија едногласно се изјаснија против рудници на планината Кожуф. им/бак/15:37

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ