Отфрлен предлогот за стечај на Производство на топлина Балкан енерџи

Отфрлен предлогот за стечај на Производство на топлина Балкан енерџи

Скопје, 18 мај 2018 (МИА) - Основниот суд Скопје 2 донесе решение со кое ја прекина постапката за отворање стечај на компанијата Производство на топлина Балкан енерџи од Скопје, информираат од компанијата. 

- Во образложението на решението на надлежниот суд стои дека ваквата одлука е донесена откако до Судот се доставени докази дека компанијата ги има подмирено сите финансиски обврски и оти нејзините банкарски сметки не се блокирани. Со ова Судот констатира дека престанува работата и на претходно назначениот привремен стечаен управник. На ваквото решение на Судот не е предвидена можност за жалба од страна на подносителите на предлогот за отворање стечајна постапка, соопшти компанијата.

Со ваквиот епилог, се нагласува во соопштението, отстранети се сите формалности, по што Производство на топлина Балкан енерџи продолжува со интензивните подготовки и ремонтни активности на постојките за претстојната грејна сезона, за нејзин успешен старт во законски предвидените рокови. вј/лв/11:21

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ