Од утре трета фаза прскање против комарци

Од утре трета фаза прскање против комарци

Скопје, 9 август 2018 (МИА) - Градот Скопје од утре почнува трета фаза од авионската и терестричната дезинсекција на подрачјето на градот Скопје, против комарци.

Од Град Скопје информираат дека авионската дезинсекција на подрачјето на градот Скопје, против возрасни форми на комарци, ќе се одвива од утре до 13 август, во раните утрински часови.

Терестричната дезинсекција, на подрачјето на Град Скопје, против возрасни форми на комарци, ќе се одвива од 13 до 17 август  во период од 23 до 04 часот, наредниот ден.

Доколку временските услови не го дозволуваат вршењето на дезинсекцијата, авионската дезинсекција ќе се изврши првиот нареден ден, кога ќе бидат поволни временските услови, во истиот термин, а согласно на тоа ќе се извршува и терестричната дезинсекција.

Поради најавеното прскање се известуваат пчеларите навремено да ги преземат потребните мерки за заштита на пчелите.скс/сд/14:15

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ