Град Скопје со реакција на прес-конференцијата на ВМРО-ДПМНЕ

Скопје, 9 август 2018

ВМРО-ДМПНЕ треба да престане да го злоупотребува стравот на граѓаните за своето здравје и да не создава и шири паника за евтини и дневни политички поени.

Како и претходно, така и сега, Град Скопје секоја година извршува поголем број наврати на земјено (терестрично) и авионско прскање против возрасните форми на комарци, како и против ларвите од комарци. Град Скопје до сега ги заврши првите две прскања против возрасни форми на комарци, како и ларви од комарци, а прскањата се направени од авион и од земја. Првото прскање траеше од 3 до 16 јули, односно од 3 до 7 јули се прскаше од земја, а на 7 и 8 јули се прскаше од авион против возрасни форми на комарци. На 14 и 16 јули се прскаше против ларви од комарци. Второто прскање го почнавме на 21 јули и траеше до 7 август, односно со авион се прскаше на 21 и 22 јули, а од земја од 22 јули до 26 јули, против возрасни форми на комарци. Против ларви од комарци се прскаше на 6 август од авион, а на 7 август од земја.

Заради зголемените врнежи во изминатиот период се создаде поволна клима за брзо размножување на комарците, па Град Скопје одлучи третото прскање наместо два дена да трае 4 дена, почнувајќи од утре (10 август 2018 година, петок) и да трае до понеделник (13 август 2018 година).

Третото авионско прскање против возрасни форми на комарци, ќе се одвива од 10 август (петок) и ќе трае 4 дена, односно до 13 август (понеделник), во раните утрински часови, а прскањето од земја ќе се одвива во деновите од 13 август до 17 август (од понеделник до петок), во период од 23 до 04 часот, наредниот ден.

Надвор од ова продолжено и засилено прскање Град Скопје ќе изведе уште две прскања против комарци што се планирани кон крајот на август и на почетокот на септември.

Град Скопје, Одделение за односи со јавноста и информации за граѓаните

___________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...