Комплетно реконструирана улицата „Капиштец“

Комплетно реконструирана улицата „Капиштец“

Скопје, 7 септември 2018 (МИА) - Градоначалникот на општина Центар, Саша Богдановиќ, денеска ја презентираше реконструираната улица „Капиштец“.

Поставен е нов асфалт и коловоз во површина од 2.600 метри квадратни, нови рабници во должина од 280 метри, реконструиран е тротоарот со површина од 520 метри квадратни и во соработка со ЕВН, каблите од кабловските оператори се спуштени под земја.

- Прв пат на оваа улица поставивме атмосферска канализација во вкупна должина од 260 метри. Во неа ќе се сливаат надворешните и атмосферски води, со што ќе се реши горливиот проблем на жителите на овој дел од Центар. Воедно, поставени се и нови 14 ревизиони шахти, за сливање на поголеми количества на отпадни води, рече градоначалникот Богдановиќ, посочувајќи дека во неговата предизборна програма им ветил на граѓаните оти ќе се залага за решавање на инфраструктурните проблеми со кои се соочуваат на дневна основа.

По завршување на зафатот на улицата „Капиштец“, општината продолжува со акцијата за реконструкција на улиците и тоа со “Димитар Пандилов“, “Ганчо Хаџипанзов“ и улицата “Караорман“. цр/са/13:20

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ