• A-
  • A
  • A+
петок, 21 септември 2018, 

„Хотел Југославија“ - патување низ времето и просторот на познатиот хотел

„Хотел Југославија“  - патување низ времето и просторот на познатиот хотел

Скопје, 12 септември 2018 (МИА) - Во Кинотеката на Македонија, Центарот за култура „Браќа Миладиновци“ – Струга и Центарот за култура „Ацо Ѓорчев“ – Неготино од утре ќе се прикажува филмот „Хотел Југославија“ во режија на Никола Вањиер.

Изграден во Белград во 1969 година, хотел „Југославија“ беше митско место. Тој беше најголемиот хотел на Балканот, и симбол и сведок на разни моменти што ја обликуваа поранешна Југославија: од Тито до Милошевиќ; од социјализам во национализам; од бомбашките напади на НАТО до корумпиран економски либерализам. Југославија повеќе не постои, но хотелот сé уште го прогонува белградскиот пејзаж, како одраз на српското општество во потрага по нови пресвртници. Со разгледување на различните простори и епохи на зградата, со собирање на сеќавањата на оние кои живееле во него, режисерот - со југословенско потекло преку неговата мајка, но роден и израснат во Швајцарија - создава единствен простор-време во кое на површина испливува колективното несвесно како и дел од неговиот идентитет.

За швајцарскиот режисер документарниот филм е еден вид потрага за „изгубеното кралство“. Откриваме и дознаваме за ова место кое е симбол на една ера преку долга листа на негови привремени познати и непознати посетители, и гледаме од далечина како една зграда може да воспоставува идеологии и национални идентитети, но исто така да стои исправено пред  колапсот на колективната меморија, велат критичарите на филмот.

Филмот беше прикажан во програмата „Панорама“ на Берлинскиот филмски фестивал, а беше и во главната натпреварувачка програма на Документарниот филмски фестивал во Солун. Филмот продолжува со прикажување на 26 септември во Гостивар, а потоа и во другите градови низ Македонија.

Дистрибутер за Македонија е „Катавеј“, а дистрибуцијата е поддржана од „Свис филмс“.гв/са/10:55

Хотел Југославија

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Kолумбиjа затвори музеј на Пабло Ескобар

Колумбискиот град Меделин, во соработка со миграци...

Во Лас Вегас се отвора музеј на марихуаната

Музеј на марихуаната денеска ќе биде отворен во „г...

Ким Џонг-ун му подари два тона печурки на својот јужнокорејски колега

Лидерот на Северна Кореја, Ким Џонг-ун, му подари ...

Брус Гринвуд ќе глуми во продолжението на „Сјаење"

Холивудскиот ветеран Брус Гринвуд ќе има своја уло...

Истражувачите поблиску до конечно лоцирање на бродот на капетан Џејмс Кук

Потрагата по кобното место за „Ендивор“ - бродот н...