Макрадули: Без јавна дебата не може да се реализира барањето за ладна валалница во Кавадарци

Макрадули: Без јавна дебата не може да се реализира барањето за ладна валалница во Кавадарци

Демир Капија, 11 септември 2018 (МИА) - Без јавна дебата не е возможно да се реализира барањето на кавадаречка компанија за инвестиција во ладна валалница во Кавадарци, рече заменик-министерот за животна средина и просторно планирање Јани Макрадули.

- Нашето министерство има задача кога ќе го добие барањето за А-интегрирана дозвола да направи анализа и во една јавна расправа и широки консултации да дојде до решението. Бидејќи се работи за А-инсталација, ќе треба да има стартегиска оцена за влијанието на животната средина, којашто сакам да потенцирам не се врзува со типот на земјиштето и намената, не е тоа наш ресор. Ние сме да гледаме и да процениме како се еколошките стандарди и какво е влијанието на почвата, водата и воздухот, нагласи Макрадули во Демир Капија, каде што е на средба со жители, заедно со Љупчо Николовски, министерот за земјоделство, шумарство и водостопанство. 

Макрадули додаде дека компанијата, инвеститорите и самите се заинтересирани да направат стратегиска оцена за влијанието, бидејќи и на тој начин се кредитира и се поттикнува стопанството.

- Се разбира, без јавна дебата тоа не е возможно да се направи. Впрочем, и денес најавивме дека идната недела за гасоводот што поминува по сртот на Водно од јужната страна ќе правиме повторно јавна дебата, дециден беше заменик-министерот. свд/сст/14:53

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Олег Сенцов стана почесен граѓанин на Париз

Украинскиот филмски режисер осуден на 20 години за...

Британски математичар тврди дека пронашол решение за проблем стар 160 години

Еден од најистакнатите британски математичари, Мај...

Познатиот професионален убиец на ТВ екраните стана модна икона

Ѕвездата од новата ТВ серија „Убиствената Ив“, ист...

Премиерката на Нов Зеланд и нејзиното бебе - хит во ОН

Премиерката на Нов Зеланд, Џасинда Ардерн, која ов...

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...