• A-
  • A
  • A+
четврток, 20 септември 2018, 

Делегација од Упсала во посета на општина Крива Паланка

Делегација од Упсала во посета на општина Крива Паланка

Крива Паланка, 12 септември 2018 (МИА) – Градоначалникот на Крива Паланка, Борјанчо Мицевски, денеска оствари средба со делегација од шведската општина Упсала, со која преку Територијалната противпожарна единица од градот е воспоставена и се негува долгогодишна соработка.

- Општина Крива Паланка со Упсала има традиционално добра соработка на полето на територијалната противпожарна заштита. Сојузот на противпожарната единица на Упсала до сега има донирано две возила за локалните потреби на ТППЕ Крива Паланка и Кумановско-осоговската епархија, манастир „Св. Јоаким Осоговски“. На средбата се разговараше за понатамошното унапредување на соработката и размена на практични знаења и искуства со  противпожарната единица во Упсала која брои 400 вработени со годишен буџет од 20.000.000 евра, истакна Мицевски.

Делегацијата беше во состав Патрик Челин, претседател на одборот на Противпожарен сојуз, Упсала, Јан Улманде, заменик претседател на Сојузот, Андреш Олстор, командир на ТППЕ Упсала, Бор Јуанстон и Лејф Андерсон пензионирани членови на единицата.

Во знак на успешна соработка и добрите практики кои ќе продолжат во понатамошниот период, на делегацијата и беше врачена плакета од општина Крива Паланка. ид/аа/13:02

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...