• A-
  • A
  • A+
петок, 21 септември 2018, 

Заев-Кадик: Поддршка за успешен референдум и за интеграциите на Македонија

Заев-Кадик: Поддршка за успешен референдум и за интеграциите на Македонија

Скопје, 7 септември 2018 (МИА) - Премиерот Зоран Заев, попладнево се сретна со Оливие Кадик, француски сенатор и претставник на француските државјани надвор од Франција, придружуван од францускиот амбасадор во Македонија, Кристијан Тимоние.

- Ве поддржуваме на патот кон интеграциите, побрзајте, е пораката што ја пренесе францускиот сенатор Кадик. Тој оцени дека претстојниот референдум во Македонија е премин кон продолжување напред, соопшти владината прес-служба.

Премиерот Заев рече дека очекува успешен референдум во Македонија.

- Верувам дека референдумот ќе успее, затоа што големо мнозинство од граѓаните во Македонија е за членство на нашата држава во НАТО и ЕУ. А сите граѓани сакаат и заслужуваат квалитетен живот во својата родна земја, што ќе го овозможат тие интеграции, рече Заев.

Тој се заблагодари за поддршката што Франција и ја дава на Македонија во интеграциските и демократските процеси и упати поздрав до претседателот на државата, Макрон.

- За нас поддршката од пријателите од меѓународната заедница е голема мотивација во нашата определба да продолжиме напред и да се интегрираме во сојузите на демократскиот свет, рече премиерот Заев.

На состанокот, амбасадорот Тимоние го поздрави начинот на којшто Македонија ги реши билатералните прашања со соседите, во интерес на стабилноста, безбедноста и перспективите на целиот регион и изрази надеж дека ваквата пракса ќе биде охрабрување за сите држави од регионот.

На средбата е изразена заедничка согласност за унапредување на економската соработка меѓу двете држави. нд/20:42

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Kолумбиjа затвори музеј на Пабло Ескобар

Колумбискиот град Меделин, во соработка со миграци...

Во Лас Вегас се отвора музеј на марихуаната

Музеј на марихуаната денеска ќе биде отворен во „г...

Ким Џонг-ун му подари два тона печурки на својот јужнокорејски колега

Лидерот на Северна Кореја, Ким Џонг-ун, му подари ...

Брус Гринвуд ќе глуми во продолжението на „Сјаење"

Холивудскиот ветеран Брус Гринвуд ќе има своја уло...

Истражувачите поблиску до конечно лоцирање на бродот на капетан Џејмс Кук

Потрагата по кобното место за „Ендивор“ - бродот н...