• A-
  • A
  • A+
сабота, 22 септември 2018, 

Спасовски и Жерновски на Бледскиот стратешки форум

Спасовски и Жерновски на Бледскиот стратешки форум

Скопје, 11 септември 2018 (МИА) - Министерот за внатрешни работи и Оливер Спасовски и заменик-министерот за надворешни работи Андреј Жерновски денеска ќе учествуваат на традиционалниот 13. по ред „Бледски стратешки форум 2018”.

Спасовски, како што соопшти МВР, ќе има обраќање на тема „Безбедност и владеење на правото преку обновена ЕУ перспектива“,

Заменик-министерот за надворешни работи, пак, ќе се обрати на панелот „Западен Балкан: Изгубени години или нова надеж?“.

Жерновски се очекува да оствари и билатерални средби со повеќе претставници и учесници на Форумот, во функција на информирање на соговорниците за претстојниот рефрендум, како и дека Република Македонија е суштински посветена на реформскиот процес со цел да стане 30-та земја членка на НАТО Алијансата, се наведува во соопштението на МНР. 

Бледскиот стратешки форум 2018, кој во својот концепт вклучува не само политичка, туку и општествена компонента, оваа година се очекува да биде досега најголем, со 24 различни панели, на кој ќе присуствуваат околу илјада учесници - државници, политичари, професори, бизнисмени. нд/са/07:39

###

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ