Џонсон: Клучно е да се финализира Договорот од Преспа за да одите напред

Џонсон: Клучно е да се финализира Договорот од Преспа за да одите напред

Атина, 11 септември 2018 (МИА) - Од клучно значење е да се финализира договорот за да одите напред, вели американскиот сенатор Рос Џонсон, во интервју за грчката новинска агенција АНА-МПА.

Како што јави дописничката на МИА од Атина, Џонсон вели дека Договорот од Преспа е разумен и потребен и за двете страни и потенцира дека навистина „ја цени политичката храброст од двете страни“.

- Мислам дека секако ќе помогне за стабилноста на регионот. Разбирам дека станува збор за чувствително прашање. Луѓето се горди на нивното наследство, на името и од двете страни. Мислам дека е многу разумен договор. Мислам дека беше потребна политичка храброст и од политичките лидери на двете земји, вели сенаторот Џонсон, кој изминатиот викенд беше на Меѓународниот саем во Солун. ср/сст/09:37

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ