• A-
  • A
  • A+
четврток, 20 септември 2018, 

Харадинај по средбата со Мендух Тачи: Успешен референдум е во интерес на Албанците во Македонија

Харадинај по средбата со Мендух Тачи: Успешен референдум е во интерес на Албанците во Македонија

Приштина, 12 септември 2018 (МИА) – Косовскиот премиер Рамуш Харадинај денеска се сретна со лидерот на Демократската партија на Албанците (ДПА) во Македонија Мендух Тачи, по што порача дека „Албанците треба да се определат за Македонија во ЕУ и НАТО“, јави дописникот на МИА од Приштина.

- Денеска имав прилика да се сретнам официјално со Мендух Тачи и да поразговараме за актуелните теми тука и во Македонија, а посебно за заедничката тема – Албанците. Велиме „да“ за референдумот во Македонија и за нејзиното зачленување во НАТО, изјави Харадинај по средбата.

Гласот „за“ на референдумот за името на Македонија, според Харадинај, е во интерес на Албанците и на стабилноста во регионот, додека евро-атлантската ориентација е гаранција за нивната иднина.

Лидерот на ДПА изјави дека партиите на Албанците во Македонија работат за обезбедување позитивен резултат на референдумот од 30 септември.

- Главно прашање за кое разговаравме денеска беше референдумот во Македонија. Тоа е историски момент за Албанците во Македонија и сите албански политички партии работат во тој аспект, изјави Тачи.

Тој изрази оптимизам дека резултатот на гласањето на референдумот ќе биде позитивен.

- Верувам дека ќе биде позитивен бидејќи тоа му го должиме на Западот, рече Тачи, додавајќи дека дијалогот меѓу Косово и Србија ќе има ефекти и во Македонија и во регионот.

Говорејќи за внатрешните процеси во Косово, косовскиот премиер рече дека со претседателот Хашим Тачи се сретнува постојано, разговараат за сите теми и имаат различни ставови за финалниот договор со Србија.

- Мислам дека Косово, освен што има големи болки, сепак наоѓа сили да чекори напред кон НАТО и ЕУ. Многу сме заинтересирани за изнаоѓање решение, но ова не може да се постигне преку размена на територии и менување граници, рече Харадинај по средбата со Тачи. иа/ев/18:20

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...