• A-
  • A
  • A+
сабота, 22 септември 2018, 

Египетски авион го блокираше белградскиот аеродром

Египетски авион го блокираше белградскиот аеродром

Белград, 12 септември 2018 (МИА) - Белградскиот аеродром „Никола Тесла“ од утрово е затворен за сообраќај, откако патнички авион на авикомпанијата „Египет Ер“ без патници слета на аеродромската писта, каде застанал поради технички проблеми.

Како што јави Танјуг, станува збор за египетски авион од типот „Боинг 737-800“, кој на белградскиот аеродром слетал во 4.11 часот.    

Поради временото затворање на аеродромот, сите авиони на компанијата „Ер Србија“ што претпладнево требаше да слетаат во Белград, се пренасочени кон околните аеродроми во регионот.  

Од утрово се одложени и 15 полетувања од „Никола Тесла“.

Управата на аеродромот соопшти дека „прави максимални напори“ со цел пистата што побрзо да биде целосно функционална, нагласувајќи дека отстранувањето на египетскиот авион ќе зависи од техничките можности и од состојбата во која тој се наоѓа. сп/09:00

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.