• A-
  • A
  • A+
петок, 21 септември 2018, 

Дегустација, едукација и забава на Фестивалот на органска храна во Градски парк

Дегустација, едукација и забава на Фестивалот на органска храна во Градски парк

Скопје, 2 сптември 2018 (МИА) - Компири, грав, грозје, кромид, пиперки, краставици, лук, пченка, патлиџан, пелистерски и мариовски мед, козјо сирење и млеко, козметика, ракотворби, се само дел од производите што може да се дегустираат и купат на годинашниот 8. Фестивал на органска храна во Скопје.

Фестивалот се одржува викендов на Школка, во Градски парк. Освен дегустација и продажба на производите, нуди и музика, дружење и едукација.

органска храна

Штандови имаат повеќе од 20 органски производители и изложувачи на органски производи.

„Никулците како супер храна и придобивките од нив“, „Лековитите габи - потентни зајакнувачи на имунитетот“ и „Социјални претпријатија и органска нега“ се темите на трите работилници предвидени за денеска, по што следуваат други содржини од интерактивната програма и забава.

органска храна

Фестивалот ќе заврши попладне со јога за возрасни, а беше отворен вчера со јога за деца. Присутните имаа можност да научат нешто повеќе и за влијанието на храната кај лицата со посебни потреби.

Покровител на манифестацијата е Град Скопје. мч/сст/12:17

###

 

 

...

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ