• A-
  • A
  • A+
четврток, 20 септември 2018, 

Германскиот економски советник доаѓа кон крајот на годината

Германскиот економски советник доаѓа кон крајот на годината

Скопје, 9 септември 2018 (МИА) - Испраќање економски советник од Германија и формирање управувачки комитетот меѓу двете земји се двата чекори што ќе се преземат во напорите за зајакнување на екомската соработка, но и во обидите на Берлин да и помогне на Македонија да се адаптира кон условите, кои владеат во ЕУ.

За ова било разговарано на вчерашната средба меѓу премиерот Зоран Заев и германската канцеларка Ангела Меркел, која беше во посета на земјава во пресрет на претстојниот референдум.

Заев очекува германскиот економски советник да пристигне до крајот на годината и како што кажа на денешната прес-конференција со економскиот тим министри, одговарајќи на новинарско прашање, напомена дека со Меркел освен за референдумот и претстојните процеси на интеграција во ЕУ, акцент бил ставен на економијата. 

- Со канцеларката Меркел покрај тоа што зборувавме за референдумот, неговата успешност, процесите во интергацијата на ЕУ, зборувавме за економијата, за дуалното образование, за странските инвестиции од Германија. Темата беше економијата и беше дадено одобрението од германската Влада за формирање на Управувачкиот комитет, кој ќе се фокусира на економијата, појасни Заев.

Нагласи дека интересот е взаемен и потсети дека трговската размена меѓу двете земји изнесува 3,6 милијарди долари годишно, од кои 2,7 се извоз или 47 отсто од македонскиот извоз оди за Германија. Проекциите за 2018 година, додаде Заев, се да стигнеме до четири милијарди долари, со надеж дека може да се оди и повеќе од тоа. 

- Сакам да му се заблагодарам на Тео Вајгел, кој и служел на претходната Влада и на таа претходно, пријател на Македонија, помагал искрено и сега ќе дојде експерт, кој многу ќе помогне во делот на преадаптација, преквалификација на нашите граѓани за да можат полесно да најдат достоинствена и квалификувана работа, рече Заев.

Вицепремирот за економски прашања Кочо Анѓушев појасни дека управувачкиот комитет е тело, кое ќе биде составено од членови на владите на двете земји на највисоко ниво.

Целта е, како што појасни, да се овозможи директно, без голема администрација и бирократија, воспоставување на соработка за тоа како Германија може да и помогне на земјава во делот на обезбедување грантови, кредити и проекти. ац/бак/16:55

###

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...