Грчките медиуми за интервјуто на Димитров за ИБНА

Грчките медиуми за интервјуто на Димитров за ИБНА

Атина, 3 септември 2018 (МИА) -  „Димитров оптимист за референдумот“; „Димитров: Македонци и вие, Македонци и ние“; „Димитров: Македонскиот јазик е во групата јужнословенски јазици“; „Димитров: Договорот ќе биде прифатен, ние сме природни сојузници“; „Димитров: Правото на самоопределување не може да се оспори“; „Димитров: Македонци и ние, Македонци и вие, зошто ова да биде проблем?“, се дел од насловите во онлајн изданијата на грчките медиуми за интервјуто на шефот на македонската дипломатија за Независната балканска новинска агенција (ИБНА), кое МИА го објави во саботата.

Димитров

Грчките медиуми, без дополнителни коментари или анализи, само со променети наслови, го пренесоа текстот од ИБНА или од грчката новинска агенција АНА-МПА, јави дописничката на МИА од Атина,.

-Министерот за надворешни работи на поранешната југословенска Република Македонија, Никола Димитров е убеден дека граѓаните на ПЈР Македонија, ќе го поддржат договорот со Грција, бидејќи според него, мудро одбираат кога се соочени со историски предизвици, пишува грчката новинска агенција АНА-МПА на почетокот на текстот.ср/сд/11:06

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ