Коѕијас и Ле Дриан разговараа за Договорот од Преспа

Коѕијас и Ле Дриан разговараа за Договорот од Преспа

Атина, 6 септември 2018 (МИА) - Се надеваме дека набргу ќе се ратификува Договорот што ќе придонесе за стабилност во регионот, порача министерот за надворешни работи и европски прашања на Франција по средбата со неговиот грчки колега.

Како што јави дописничката на МИА од Атина, Договорот од Преспа беше една од темите за кои разговараа Никос Коѕијас  и Жан-Ивес Ле Дриан на нивната денешна средба во грчкото МНР.

- Едно друго многу важно прашање, од историско значење, за кое разговавме е постигнувањето договор за името на поранешната југословенска Република Македонија. Се надеваме дека набргу ќе се ратификува овој договор што ќе придонесе за неопходната стабилност што треба да постои во регионот, рече шефот на француската дипломатија на прес конференцијата по средбата.

Коѕијас и Ле Дријан

- Разговаравме и за Договорот од Преспа, договор кој е резултат на дијалог, на култура на консензус. Тоа е договор на одговорност кон регионот и неговата иднина, рече шефот на грчката дипломатија.

Министерот за надворешни работи и европски прашања на Франција при неговата работна посета на Атина се сретна и со грчкиот премиер, Алексис Ципрас, а вечерва ќе разговара и со лидерот на опозициската Нова демократија, Кирјакос Мицотакис. ср/аа/16:47

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ