• A-
  • A
  • A+
среда, 19 септември 2018, 

Сервер за МИА: Претстојниот референдум клучен за иднината на Македонија

Сервер за МИА: Претстојниот референдум клучен за иднината на Македонија

Вашингтон, 8 септември 2018 (МИА) - Претстојниот референдум на кој граѓаните ќе се изјаснат дали се за влез во ЕУ и НАТО со прифаќање на Договорот со Грција е клучен за македонската иднина, смета професор Даниел Сервер од универзитотот Џон Хопкинс.

Во изјава за МИА од Вашингтон, тој укажа дека со успехот на референдумот се менува официјалното име на земјата, но дека Македонците и понатаму ќе си се нарекуваат Македонци а нивната земја - Македонија.

- Тоа ја отвара вратата за брз влез во НАТО и отварање на преговори за членство во ЕУ. Ова е најголемата и единствена шанса што земјата ја имала уште од прогласувањето на независност, укажа Сервер, политички аналитичар и познавач на приликите на Балканот.

Според него, неуспешен референдум е пораз на Договорот со Грција и дестабилизација, затоа што тоа ќе значи закочен процес за членство во НАТО и ЕУ и создавање меѓуетничките тензии во Македонија.

Тој потврди дека успешен референдум е историска шанса за членство на Македонија во НАТО следната година - воената алијанса тоа го вети.

Укажа и дека Македонија ќе има голема корист со влезот во НАТО.

- Се создава поголема доверба во институциите на државата, затоа што тие ќе бидат заштитени не само од малата армија и полиција на земјата туку и од воената алијанса. Членството во НАТО ќе ги намали меѓуетничките тензии во корист и на Македонците и на Албанците, но и ќе ја заштити земјата од руското мешање, истакна Сервер.

Исто така, укажа и дека членство во НАТО на Македонија ќе и овозможи уште поголем удел во меѓународните процеси за обезбедување мир и стабилност преку засилено присуство во меѓународни вежби, маневри и мисии.

- Ова е шанса која не се пропушта. Преспанскиот договор е добро решение за Македонија, порача Сервер за МИА. кб/нд/10:37

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...

Мајкл Џордан донираше два милиона долари за Северна Каролина

Поранешната НБА ѕвезда Мајкл Џордан донираше два м...