• A-
  • A
  • A+
сабота, 22 септември 2018, 

Тевдовски: Повисоката наплата на даноци и придонеси за 120 милиони евра покажува зголемена економска активност

   Тевдовски: Повисоката наплата на даноци и придонеси за 120 милиони евра покажува зголемена економска активност

Скопје, 10 септември 2018 (МИА) - Наплатата на даноци и придонеси заклучно август е повисока за 120 милиони евра во однос на минатата година. Ова, според министерот за финансии Драган Тевдовски, укажува на поголема економска активност, односно поголема добивка на фирмите, повисоки плати и нови работни места.

Тевдовски посочува дека даноците и придонесите пораснале за седум проценти во однос на минатата година. Ова значи продолжување на позитивниот тренд во однос на второто тримесечје годинава, кога економијата постигна повисок раст на БДП од 3,1 проценти.

- Наплатата на даноците покажува интензивирање на економската активност. Во периодот јануари-август наплатата на даноците е седум отсто повисока. Ова се должи во голема мера на растот на данокот на добивка, чија наплата е подобра за 25проценти во однос на лани или за околу 35 милиони евра. Тоа укажува на зголемена активност на фирмите. Исто така, има раст на придонесите на седум отсто укажува дека трендот на раст на плати и нови работни места продолжува и после второто тримесечје. Имено, високата наплата на придонеси во првото полугодие од годинава е поврзано со растот на платите за 5,6 отсто и растот на бројот на работни места за околу 10.000 нови, рече министерот за финансии Драган Тевдовски.

Сервисирањето на обврските од државата се одвива непречено. - Обврските се покриваат редовно. Повратот на ДДВ кон фирмите е навремен и неселективен. Од почетокот на годината до крајот на август, во стопанството се вратени 250 милиони евра поврат на ДДВ. Во август имавме извршено најголем поврат во последните години, во износ од 44 милиони евра. Со обезбедување на ликвидност на фирмите, се поддржуваат нивните тековни, но и инвестициски активности. Во овој период се забележува поголема инвестициска активност на компаниите. Имено, ако се анализира увозот, во периодот од јануари-јули 2018, најголем раст од 19,7 проценти се забележува кај секторот машини и транспортни уреди. Овој податок укажува на раст на инвестициите на фирмите во основни средства. Тоа ќе придонесе за раст на економската активност и во иднина, поголемо производство и нови работни места, вели Тевдовски.скс/са/10:21

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Две јапонски сонди слетаа на астероидот Ријугу (видео)

Јапонско вселенско летало „Хајабуса2“ испрати два ...

Која е разликата помеѓу белите и кафените јајца?

Најверојатно сте се запрашале за разликата меѓу ја...

Македонија го потврди учеството на Евровизија 2019

Македонија го потврди учеството на Евровизија 2019...

Во Минхен почна 185. издание на Октоберфест

Во Минхен денеска почнува 185. издание на познатио...

Кање Вест одлучи да го напушти Лос Анџелес

Кање Вест донесе одлука заедно со семејството да с...