• A-
  • A
  • A+
вторник, 18 септември 2018, 

Потпишување договор за 100 милиони евра од ЕИБ

Потпишување договор за 100 милиони евра од ЕИБ

Скопје, 11 септември 2018 (МИА) - Договор со Европската инвестициска банка (ЕИБ) за користење 100 милиони евра за мали и за средни претпријатија ќе биде потпишан денеска меѓу Владата претставувана од Министерството за финансии, Македонската банка за поддршка на развојот (МБПР) и ЕИБ.

Фирмите од октомври ќе можат со проекти да аплицираат за 100 милиони евра евтини кредити од ЕИБ.

Пласманот на 100-те милиони евра од страна на МБПР ќе се врши преку домашните комерцијални банки.

Министерот за финансии Драган Тевдовски во интервју за МИА истакна дека оваа кредитна линија ќе овоможи реализација на нови проекти, нови вработувања, зголемена ликвидност во стопанството и зголемен извоз.

Предвидено е и откако претпријатијата ќе ги вратат заемите од оваа кредитна линија, истите повторно да се пласираат како кредити во стопанството. Ова ќе придонесе за повеќекратна полза на малите и на средните претпријатија од овие 100 милиони евра.скс/са/07:36

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ