Четириесет млади тетовци на обука за проектот „За општество без дискриминација“

Четириесет млади тетовци на обука за проектот „За општество без дискриминација“

Тетово, 17 август 2018 (МИА) - Четириесеттина млади од Тетово меѓу кои и Ромки ќе поминат обука во рамки на проектот „За општество без дискриминација“ на Иницијативи за еманципација на жената Ромка – „Романо суно“, поддржан од ЕУ  од градот.

Претседателката на „Романо суно“ Кефает Реџепи истакна дека главна цел на проектот е да се придонесе за намалување на предрасудите и стеротипите, а со тоа и на дискриминацијата и стигнатизацијата кон Ромите во општина Тетово и околината.

- Истовремено сакаме да постигнеме поголема информираност на ромската заедница и нејзино вклучување во процесите на одлучување на локално ниво, рече Реџепи.

Таа најави дека за состојбите со дискриминацијата по основ на етничка припадност тие ќе изготват документ што ќе ги опфати и препораките за подобрување на состојбите особено на младите Роми во областите на социјализацијата, образованието домувањето и слично.

Во рамки на проектот предвидено е во септември во период од три дена да биде организирана кампања на која ќе се промовираат добри практики за недискриминација, претставување на негативните ефекти од дискриминацијата преку флеш моб на градскиот плоштад, како и делење на повеќе локации во градот на промотивен материјал со постапки за начини на заштита од дискриминација, како и контакти од тела за заштита од дискриминација. ас/рп/12:21

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ