• A-
  • A
  • A+
среда, 19 септември 2018, 

Црвениот крст организира симулација на сообраќајна несреќа во Скопје

Црвениот крст организира симулација на сообраќајна несреќа во Скопје

Скопје, 11 септември 2018 (МИА) - По повод Светскиот ден по Прва помош - 8 Септември Црвен крст на Град Скопје денеска на „Рекорд“ во централното градско подрачје во Скопје ќе организира симулациска показна вежба-сообраќајна несреќа. 

Вежбата Црвениот крст на Град Скопје ќе ја организира во соработка со МВР - СВР Скопје, а ќе учествуваат сите општински организации од Скопје, стручната служба на Црвен крст на Град Скопје, 30 волонтери од Тимот за одговор при катастрофи како и Мобилни тимови на Црвен крст. 

Ќе се симулира сообраќајна несреќа, во која ќе учествуваат две возила и велосипед и во која шест лица ќе бидат повредени. Ќе бидат користени звучци и чад за граѓаните да добијат пореална слика. За време на вежбата ќе се користи и амбулантно возило на Црвен крст на град Скопје.

Оваа година темата на Светскиот ден за Првата помош е: „Прв одговор при сообраќајни несреќи”. Според податоците на Црвениот крст,  секој ден околу 3.500 луѓе ги губат животите, а стотици илјади се повредени и тоа најчесто со трајни последици. Доколку не биде укажана навремена прва помош многу од тешко повредените лица не преживуваат во сообраќајните несреќи.

Затоа од Црвениот крст апелираат за подигнување на јавната свест за сообраќајните несреќи и повреди, луѓето од сите возрасти да научат прва помош за да имаат вештини и самодоверба за да ги препознаат и соодветно да реагираат при итните ситуации во случај на сообраќајна несреќа. сст/са/07:37

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...