Во општина Дебар поголем број првачиња и средношколци

Во општина Дебар поголем број првачиња и средношколци

Дебар, 3 септември 2018(МИА) - Во новата учебна 2018/2019 година, во општина Дебар, има и поголем број првачиња и поголем број запишани ученици во прва година во гимназијата.

На ниво на општина настава ќе следат над 3.100 основци и средношколци.

Од вкупниот број основци, за првпат во ученичка клупа денеска седнаа 212 првачиња, што е за петнаесеттина првачиња повеќе од минатата учебна година.

- Во трите деветолетки во општината, настава следат вкупно 3.150 ученици,од кои околу 1.100 се во училиштето „Братство единство“ во градот, додека по околу 550 ученици се во училиштата „Саит Најдени“ во градот и „Ристе Ристески“ во село Долно Косоврасти. Оваа учебна година имаме 212 првачиња, изјави Решат Ќормемети, одговорен во секторот за образоваие при општина Дебар.

Според него, од вкупната бројка на првачиња најмногу или 100 се во ООУ„Братство единство“ и тоа 25 за настава на македонски наставен јазик од кои девет се во село Џепиште, додека останатите 75 за настава на албански наставен јазик. Во ООУ„Саит Наједни“ има 47 првачиња, сите на алабански и во ООУ„Ристе Ристевски“ 65 првачиња сите на македонски наставен јазик.

Во дебарското средно општинско училиште „Здравко Чочковски“ во прва година гимназиска насока запишани се 155 ученици, што е за шеесеттина ученици повеќе споредено со минатата учебна година. Од вкупниот број 57 се за настава на македонски и 98 на албански наставен јазик. Во ова единствено средно училиште во општината настава следат вкупно 553 ученици.

Ќормемети посочува дека во сите образовни институции навреме се превземни сите потребни мерки и активности со цел нормален тек на наствата.вт/сд/15:05

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...