Едногодишно ослободување од плаќање комунални сметки за социјалците од Кавадарци

Едногодишно ослободување од плаќање комунални сметки за социјалците од Кавадарци

Кавадарци, 10 септември 2018 (МИА) - Социјалните случаи од Кавадарци, се ослободуваат од плаќање на сметки за комунални услуги, за период од една година, одлучи Советот на општината. Ослободувањето се однесува на сметки за користење на вода за пиење, собирање и транспорт на смет и други комунални услуги.

- Ослободувањето е за периодот од 1 април минатата година, до 1 април годинава. Субвенционирањето е на товар на локалната самоуправа, појаснуваат од Јавното претпријатие „Комуналец”.

Оттаму додаваат дека под социјално загрозени семејства се подразбираат оние кои исполнуваат услови за социјална парична помош, постојана парична помош, паричен надоместок за помош и нега на друго лице, надоместок на плата за скратено работно време поради нега на дете со телесни или ментални пречки во развојот, додаток за глувост, парична помош на самохран родител кој има дете со пречки во развојот и додаток за слепило и мобилност.

Надзор врз спроведувањето на оваа одлука, ќе врши Комисијата за финансии и буџет при општината. свд/вј/10:33

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ