• A-
  • A
  • A+
четврток, 20 септември 2018, 

Состанок на Заедничкиот консултативен комитет меѓу Македонија и ЕУ

Состанок на Заедничкиот консултативен комитет меѓу Македонија и ЕУ

Скопје, 11 септември 2018 (МИА) - Министерот за локална самоуправа Сухејл Фазлиу денеска ќе го отвори 15. состанок на Заедничкиот консултативен комитет меѓу Република Македонија и Европската унија, во рамки на Комитетот на региони на ЕУ.

Најавено е на отворањето да се обратат евроамбасадорот Самуел Жбогар, претседателот на    Заедницата на единиците на локалната самоуправа на Република Македонија - ЗЕЛС и градоначалник на Скопје Петре Шилигов и известувачот на Комитетот на регионите на ЕУ Франко Иакоп. 

Заедничкиот консултативен комитет е заедничко тело на локалните власти на Република Македонија и на ЕУ што делува во рамки на Комитетот на регионите на Европската унија. Во овој мандат со заедничкиот консултативен комитет претседаваат Јасна Габрич, претставник на Европската унија, градоначалникот на општина Трбовље, Словенија Јасна Габриќ и Благој Бочварски, претставник на Република Македонија и градоначалник на Штип.

Во Заедничкиот консултативен комитет членуваат вкупно 22 претставници на локалните власти од кои 12 градоначалници и членови на општински совети се од Македонија. мд/са/07:38

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ