• A-
  • A
  • A+
вторник, 18 септември 2018, 

МОН: Се продлабочува соработката во образованието меѓу земјите од регионот

МОН: Се продлабочува соработката во образованието меѓу земјите од регионот

Скопје, 26 јуни 2018 (МИА) - Проширувањето на меѓусебната соработка во областа на образованието беше во фокусот на неформалните средби кои министерот за образование и наука Арбер Адеми ги оствари со министрите за образование на Албанија, Косово и Црна Гора, Линдита Никола, Шукри Битиќи и Дамир Шеховиќ.

Од Министерството за образование и наука информираа дека за време на средбите сите страни изразиле интерес и подготвеност за размена на искуства и поголема соработка преку иницирање на заеднички проекти и активности на сите нивоа и во сите образовни сегменти, особено во високото образование и науката, каде заеднички став е дека постои можност да се зголеми мобилноста на наставниот кадар, размената на студенти и да се реализираат повеќе билатерални научно – истражувачки проекти.

Инаку, средбите се во рамки на седмиот министерски состанок кој вчера и денеска се одржува во Брисел, а го организира Европската комисија во рамки на Платформата за образование и обука на земјите од Западен Балкан.

Платформата за образование и обука на земјите од Западен Балкан пак, е создадена во 2012 година и има за цел да иницира поголема соработка меѓу институциите на системот во сите земји од регионот, со цел да се разменуваат позитивни примери и искуства, да бидат детектирани образовните предизвици и да се обезбеди заеднички пристап за нивно надминување, стои во соопштението од МОН. рп/скс/16:10

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ