Македонски ученици на Меѓународен франкофонски камп во Тирана

Македонски ученици на Меѓународен франкофонски камп во Тирана

Крива Паланка, 21 август 2018 (МИА) – Две ученички од основното општинско училиште „Јоаким Крчовски“ од Крива Паланка се дел од шестчлената група  ученици –франкофони од Македонија, учесници на Петтиот Меѓународен франкофонски камп кој се одржува од 20 до 27 август во Тирана.

Кампот се одржува под покровителство на Меѓународната организација на Франкофонијата, а реализацијата на годинашниот камп е поддржана со партнерството меѓу Министерството за образование и наука на Македонија, Национална комисија за Франкофонија, Здружението на професори по француски јазик на Македонија со поддршка на Меѓународната организација на Франкофонија и CREFECO – Регионален центар за земјите од Централна и Источна Европа.

На овој камп учествуваат најдобрите 36 ученици–франкофони од шест франкофонски земји од регионот: Македонија, Молдавија, Романија, Бугарија, Ерменија и Албанија благодарение на постигнатите успеси на повеќе државни натпревари по француски јазик во текот на учебната 2017/2018 година.

- Македонија ја претставуваат шест ученици од основните училишта кои покажаа најдобри резултати на државните натпревари по француски јазик , вкупно шестмина, а две од нив се мои ученички, Лина Рангелова и Марта Спасовска од ООУ „Јоаким Крчовски“,  Крива Паланка, истакна Елена Николовска ментор и професор по француски јазик.

На кампот Македонија ја претставуваат и Искра Аалексовска од ООУ „Димитар Миладинов”, Матеј Трајчевски, ООУ „Дане Крапчев”, Сара Бурнеска, ООУ „Лазо Ангеловски” и Деа Јадровска од ООУ „Наум Наумовски-Борче“, сите од Скопје, а учесниците се под водство на професор Анета Митевска.

-Во рамки на франкофонскиот камп се ангажирани аниматори од Франција, Романија и Албанија кои на учесниците им нудат богата програма исполнета со најразлични активности, едукативни и друштвени игри, спортски активности, театарски работилници, поетско читање, караоке и друго, со цел да ги збогатат своите знаења и вештини по француски јазик, да разменуваат искуства и знаења, но и да стекнат нови пријателства, додаде Николовска.ид/лв/12:03

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...